 |
| Petite fleur jaune orangé s'ouvrant avec le soleil et qui marque l'impatience de la terre à accueillir le printemps, le souci des vignes (on dit aussi des souci sauvage ou des champs) ferme ses capitules la nuit. Sa floraison accompagne le vigneron dans son travail de taille. |
 |
| Diplotaxis fausse roquette, espèce invasive depuis 1900. |
LO PODAIRE.
Estropat, botonat, jol vent de Cèrs que fa blincar las pibolas e los sauzes de las randuras, lo vinhairon s’enva cap à sa vinha ont, i a dὁs o tres mezes s’auzisiàn las cansons e los bascalals dels vendemiaires. Las vizes, acatadas, d’unis cὁps agafada à la tèrra, pὁrtan encara, d’aqui entre aqui, qualquas fèlhas mièjas secas que ‘al mendre fregadis, tomban e van rejunhe las autras dejà gaireben poiridas.
Lo vinhairon agaita son plantièr pèi
emponha los cisèus podaires, e, soca aprèp soca, fa tombarsens piétataquelas
vizes qu’éran, i a pas gaire, cargadas de bèlis razims. Qu’es trista à veze, la
vinha, quand, pèl sὁl, sus la tèrra freda s’espandis un lèit d’iserments, e que las pauros
socas, escapitadas, laisan veze lor pèd nozut e torsit. Lor demὁra plus res de lor anciana
vestidura. Lo podaire, sens se trebolat, sens se retirar, seguis la tièra.
Mèmes, se la soca se
metià à li parlar, se trairià pas de son trabalh. A pas demembrat lo reproverbi
que dis…
(à suivre)
